Mariya-Antuanetta və XVI Lüdovikin sağ qalmış yeganə qızının brilyantı "Christie`s Magnificent Jewels" hərracında satılıb.

Bu barədə hərrac evinin saytında məlumat yerləşdirilib.

Zinət əşyası 13.98 milyon dollara satılıb. Əvvəlcə onun qiyməti 5-7 milyon dollar arasında proqnozlaşdırılırdı. Brilyantı alan şəxs anonim qalmaq istəyib, lakin ehtimallara görə, alıcı Asiya mənşəli kolleksionerdir.

Qeyd edək ki, XVI Lüdovik Qədim Rejim Fransasının sonuncu monarxı olub. O, 1774-cü ildə babasının vəfatından sonra taxta çıxıb, 1791-ci ildə isə Böyük Fransa İnqilabı başlayıb. İyun ayında ailəsi ilə birlikdə Parisdən çıxıb, sentyabrda geri gətirilərək yeni konstitusiyaya and içib.

Bir versiyaya görə, 1791-ci ildə Parisdən qaçmazdan əvvəl kraliça zinət əşyalarını müvəqqəti olaraq saç ustasına təhvil verib. Onların arasında 10.38 karatlıq çəhrayı-bənövşəyi, "hava əjdahası" formalı brilyant da olub, hansı ki, Mariya-Antuanetta sonradan qızı Mariya-Terezaya verib.

Brilyant kral kolleksiyasının bir hissəsi olub və nəsildən-nəsilə ötürülüb, 1996-cı ildə satılıb. Yeni sahibinin xahişi ilə daş üçün təzə çərçivə hazırlanıb. O 17 almazdan ibarət monarxiya zanbağı formasında tacla bəzədilmiş ikiqat üzüklə əvəz olunub.