Noyabrın 16-da Gürcüstanın Rustavi şəhərində müxalifətin etiraz aksiyası keçiriləcək.

Qafqaz.media xəbər verir ki, bu barədə Vahid Milli Hərəkat Partiyasının rəhbəri Nika Meliya məlumat verib.

Meliya aksiyanın yerli vaxtla saat 17:00-də başlayacağını və davamlı olacağını söyləyib:

"Aksiya hətta gecələr də davam edəcək. Ölkənin digər regionlarının nümayəndələri də aksiyaya qoşulacaq.

N.Meliya aksiyanın eks-prezident Mixail Saakaşvilinin saxlanıldığı həbsxananın yaxınlığında keçiriləcəyini qeyd edib:

"Vəziyyət çox çətindir. Mixail Saakaşvilinin həyati əlamətləri hər gün pisləşir və biz tarixi ədalətsizliyi dayandırmaq və tarixin gözündə bizi cinayətkar edəcək şeylərin qarşısını almaq üçün hərəkətə keçməliyik".