Əgər yoluxanların sayında artım davam edərsə, koronavirusdan ölənlərin sayı fəlakətli şəkildə artacaq.

Teref.az Axar.az-a istinadən xəbər verir ki, bunu Tiflisin İnfeksiya Klinikasının baş həkimi Tengiz Çerçvadze deyib.

Onun sözlərinə görə, Gürcüstanda epidemioloji vəziyyətin ən pis ssenarisi üç faktora görə inkişaf edir: peyvəndlənmənin aşağı göstəriciləri, əhalinin maska ​​taxma qaydalarına əməl etməməsi və izdihamlı toplantılar.

Qeyd edək ki, son həftədə Gürcüstanda 32,8 min nəfər koronavirusa yoluxub. Son bir həftədə isə ölkədə virusdan 365 nəfər ölüb.