Əfqanıstanın yeni hakimiyyət orqanları Amerika üçün fundamental əhəmiyyət kəsb edən bir sıra məsələlərə yanaşmalarını yumşaltmayınca, ABŞ onlara maliyyə yardımı göstərməyəcək.

KONKRET.az xəbər verir ki, bu barədə Prezidentin milli təhlükəsizlik üzrə müşaviri Ceyk Sallivan bildirib.

“Biz hələ Əfqanıstanın hazırkı rəhbərliyinə birbaşa pul təmin etmək iqtidarında deyilik… Bizim üçün vacib olan yanaşmalara yumşalma görüncə vəziyyət dəyişə bilər”, – deyə o, qeyd edib.

Sallivan əlavə edib ki, buna baxmayaraq, ABŞ qeyri-kommersiya təşkilatları və vətəndaş cəmiyyəti strukturları ilə əməkdaşlıq edərək Əfqanıstanın ən böyük humanitar donoru olaraq qalır.