Niderland hökuməti ölkədə koronavirusun “Omikron” ştammının yayılması ilə əlaqədar dekabrın 19-dan yanvarın 14-nə qədər sərt qapanma tətbiq ediləcəyini açıqlayıb.

Bu barədə baş nazir səlahiyyətlərini icra edən Mark Rotte danışıb.

Onun sözlərinə görə, yeni ştamm gözləniləndən daha tez yayılır. Qapanma müddətində zəruri məhsullar satılan mağazalardan başqa bütün mağazalar, restoranlar, teatr, kinoteatr, muzey və idman zalları bağlı olacaq.

Ölkədə həmçinin yeni il yarmarkaları da ləğv olunub.

Mənbə: Mk.ru