İranda polis və təhlükəsizlik qüvvələrinin məmurları insanlara qarşı olduqca amansız davranır.

Bizim.Media "Azad İran" Telegram kanalına istinadən xəbər verir ki, İranın Kerman vilayətinin Ciroft şəhərində polis məmuru bir nəfəri silahın qundağı ilə amansızca döyərək polis maşınının arxasına atır.

Hirsi soyumayan polis məmuru daha sonra təpiklə vətəndaşın üzünə və bədəninə vurmağa davam edir.

Silahlı polis məmurundan qorxan ətrafdakı insanlar isə məsələyə müdaxilə etməkdən çəkinirlər.

Qeyd edək ki, İranda məmur özbaşınalıqları artmaqda davam edir. Təkcə hadisənin baş verdiyi Ciroft şəhərində deyil, bütün İran şəhərlərində polis və təhlükəsizlik qüvvələri insanlara qarşı kobudluq edir, onları döyür və alçaltmağa çalışır.