Avropa Komissiyası nüvə tullantılarının idarə edilməsi prosesinin təkmilləşdirilməsi üçün Ukraynaya 5 milyon avro ayıracaq. Bu barədə Ukrayna baş nazirinin Avropa və Avro-Atlantik inteqrasiya üzrə müavini Olqa Stefanişina bildirib.

“Avropa İttifaqının dəstəyi ilə biz Ukraynada radioaktiv tullantıların və işlənmiş nüvə yanacağının təhlükəsiz idarə edilməsinin təkmilləşdirilməsinə, həmçinin keçmiş nüvə obyektlərinin ekoloji reabilitasiyasının yaxşılaşdırılmasına töhfə verəcək layihəyə başlayırıq”, – hökumətin mətbuat xidməti onun sözlərindən sitat gətirir.

Qeyd olunur ki, Stefanişina Ukrayna hökuməti ilə Avropa Komissiyası arasında “Nüvə təhlükəsizliyi sahəsində əməkdaşlıq üzrə 2020-ci il illik fəaliyyət proqramı”nın maliyyələşdirilməsinə dair saziş imzalayıb. Proqramın ümumi dəyəri 6,5 milyon avro təşkil edir ki, bunun da 5 milyon avronu Aİ, 1,5 milyonunu isə Ukrayna təmin edəcək