ABŞ hökuməti İraqın keçmiş prezidenti Səddam Hüseyni məhkəmədə müdafiə edən vəkillər qrupuna təzyiq göstərib və məhkəmə tribunalının apardığı mühakimə prosesini idarə edib.

Bu açıqlama ilə Səddam Hüseynin vəkili Hüseyn Buşra Xəlil çıxış edib.

“Amerikalıların güclü təzyiqi altında idim. Düzünü desəm, qətlə yetiriləcəyimdən qorxurdum, çünki prosesin gedişatında bir neçə vəkil öldürülmüşdü. Hakim bir neçə dəfə məni məhkəmə salonundan çıxartdı”, - deyə İraq prezidentinin vəkili olmuş şəxs bildirib.

Hüseyn Buşra Xəlil fikrinin davamında qeyd edib ki, bundan sonra amerikalılar onunla əlaqəyə girib və yalnız susmaq qarşılığında prosesdə iştirak etməyə icazə verəcəklərini söyləyiblər.

Vəkil vurğulayıb ki, amerikalılar bütünlükdə prosesi idarə edirdilər.

Mənbə: “RİA Novosti”