Səudiyyə Ərəbistanının Təbuk şəhərinə qar yağıb.

Təbiət hadisəsi şəhər küçələrini ağ rəngə boyayıb.

Əhali 2022-ci ilin ilk qarını qeyd edərkən ənənəvi rəqs nümayişləri keçirib.

Hökumət qurumları qarın yağması ilə əlaqədar yollara nəzarəti gücləndirib və bölgə qubernatorunun əmri ilə fövqəladə vəziyyət planı hazırlanıb.

Fəlakət və böhranların idarə edilməsi mərkəzi sərt hava şəraiti ilə əlaqədar əhalini diqqətli olmağa çağırıb.

Qeyd edək ki, Səudiyyə Ərəbistanının şimalında yerləşən Təbuk bölgəsində nadir də olsa yağış və qar müşahidə olunur.

TRT