İsveçin Bağdaddakı səfirliyi fəaliyyətini dayandırıb.

Modern.az TASS-a istinadən xəbər verir ki, buna səbəb səfirlik binasının yandırılmasıdır.

“İyunun 29-u və 30-u, eləcə də iyulun 20-də İsveçin Bağdaddakı diplomatik nümayəndəliyində keçirilən nümayişlərlə əlaqədar səfirlik növbəti xəbərdarlığa qədər ziyarətçilər üçün bağlanıb. Pasportların verilməsi və təcili sənədlərin icrası dayandırılıb”, - məlumatda deyilir.

Qeyd edək ki, Stokholmda Quran nüsxəsinin yandırılmasına etiraz edənlər Bağdaddakı İsveç səfirliyinə hücum ediblər. Bildirilib ki, etirazçılar binanı yandırıblar. Səfirlik əməkdaşlarından heç kim xəsarət almayıb.

Xatırladaq ki, iyunun 28-də Stokholmun mərkəzində Quran yandırılıb.