“Playboy” jurnalına müsahibə verən və nəşr üçün fotosessiya etdirən Fransanın sosial iqtisadiyyat və ictimai təşkilatlar üzrə dövlət katibi Marlen Şyappa hökuməti tərk edib.

Bildirilir ki, məmurun işdən azad edilməsi birbaşa “Playboy” qalmaqalı ilə bağlı olub. Fransanın baş naziri Elizabet Born jurnalın təklifini qəbul etdiyi üçün Şyappanı cəzalandırıb.

Hələ aprel ayında, dövlət katibinin fotoşəkilləri işıq üzü görən zaman Born Şyappaya zəng edərək onun müsahibəsinin “bugünkü sosial kontekstdə qətiyyən uyğun olmadığını” deyib. Məmur isə öz əməlini “hər yerdə qadınların hüquqlarını müdafiə etməsi” ilə izah edib.

Qeyd edək ki, qalmaqallı fotosessiyanın yer aldığı jurnalın sayı üç saat ərzində 100 min tirajla satılıb.

Mənbə: TASS