Suriya hadisələri 2011-ci ilin martında başladı.

Axar.az xəbər verir ki, bunu İran mətbuatına açıqlamasında politoloq Sadullah Zarei söyləyib. Onun sözlərinə görə, İran hadisələrin əvvəlindən Suriyadakı prosesləri anbaan izləyib:

“Hadisələrin başlanmasından bir neçə ay sonra, yəni may ayında aparılan analizlərdə Suriyada başlayan prosesin müxaliflərin hərəkatı olmadığını və bunun ölkədə vətəndaş müharibəsi yaradacağını anladıq. Bu analizlər Tehran tərəfindən hesabat halına salınıb Suriya Prezidenti Bəşər Əsədə çatdırıldı. Əsəd bu sənədi aldıqdan sonra onun inandırıcı olmadığını bildirdi. Daha sonra o, belə şeylərlə Suriyada çox qarşılaşdığını və ordu gücü ilə bunun öhdəsindən gələcəyini söylədi. Əsədin bu fikri İranın başlayan prosesi yalnız izləməsinə səbəb oldu. Qısa zaman ərzində bizim təxminlərimiz doğru çıxdı”.

Qeyd edək ki, Zarei həm də İran generalı Qasım Süleymaninin siyasi məsləhətçisi kimi də tanınır.