İŞİD terror qruplaşması Suriyanın Xoms vilayətində ələ keçirdiyi Palmira şəhərində 400 dinc sakini edam edib. Musavat.com-un məlumatına görə, bu barədə bazar günü – mayın 24-də Suriya milli telekanalı xəbər yayıb.
Öldürülənlərin böyük bir qisminin “Suriya hökuməti ilə əlaqələrdə ittiham olunan” qadınlar və uşaqlar olduğu bildirilir.
Qeyd edək ki. bundan az öncə - cümə axşamı şəhərdə başqa bir kütləvi edam haqda məlumat verilmişdi. O vaxt Palmiranı ələ keçirəndən dərhal sonra silahlılar uşaqlar da daxil, 5 ailəni girov götürərək öz paytaxtları elan etdikləri Rakka şəhərinə aparmış, orada kamerada edam etmişdilər.