Çeçenistanda naməlum şəxs yol polisi postuna hücum edərək polis əməkdaşını bıçaqlayıb, bundan sonra o, öldürülüb.
Bakupost.az xəbər verir ki, bu barədə “112” Telegram kanalı məlumat yayıb.
Xəbərə görə, hadisə Açxoy-Martan şəhərinin Kadırov küçəsində baş verib.
"Polis əməkdaşı bıçaqlanıb. Hücum edən şəxs hadisə yerində cavab atəşi ilə məhv edilib", - məlumatda deyilir.
Polis ərazidə yolları bağlayıb və hadisənin bütün hallarının aydınlaşdırılması istiqamətində əməliyyat tədbirləri həyata keçirir.