Amerikanın elektrik avtomobil istehsalçısı "Tesla"nın səhmləri ilkin ticarətdə bir səhm üçün 214 dollara qədər ucuzlaşıb.

Bu barədə Bloomberg məlumat yayıb.

Üç həftə əvvəl ABŞ-ın ticarət naziri Hovard Lutnik iddia etmişdi ki, istehsalçının səhmlərinin 235 dollardan aşağı düşəcəyini təsəvvür etmək mümkün deyil.

Nəşr şirkətin səhmlərinin aşağı düşməsini şirkətin problemləri, eləcə də ABŞ prezidenti Donald Trampın elan etdiyi ticarət müharibəsi səbəbindən dünya birjalarının çöküşü ilə izah edib. İnvestorlar ümumi idxal rüsumlarına son dərəcə mənfi reaksiya veriblər və o vaxtdan bəri əsas fond bazarları hər gün bir neçə faiz ucuzlaşıb.