Gürcüstanın Mərkəzi Seçki Komissiyası (MSK) 26 oktyabr 2024-cü ildə Gürcüstanda keçiriləcək parlament seçkilərində iştirak etmək üçün ərizə vermiş 28 partiyadan 13-nü qeydə alıb.

Bu barədə MSK-nın saytındakı materiallarda bildirilib.

Son parlament seçkilərində iştirak etməyən və parlamentdə nümayəndəsi olmayan partiyaların ərizə vermə müddəti iyulun 15-də başa çatıb.

MSK-nın məlumatına görə, siyahıya keçmiş Baş nazir Giorgi Qaxariyanın “Gürcüstan naminə” partiyası da daxildir.

Qeydiyyatdan keçmiş bütün partiyalar 2024-cü il avqustun 1-dək ən azı 25 min seçici imzasını MSK-ya təqdim etməlidir.