İspaniyanın şərqindəki Valensiya bölgəsində minlərlə şagird daşqınların 200-dən çox insanın ölümündən və bölgədəki şəhərləri viran qoymasından iki həftə sonra bazar ertəsi dərslərinə qayıdıb.

Regional hökumətin daşqınlarla mübarizəsi ilə bağlı mübahisələr hələ də davam edir. Müəllimlərin həmkarlar ittifaqı hakimiyyəti geri qayıdanların sayını şişirtməkdə və təmizliyi müəllim və şagirdlərin öhdəsinə qoymaqda ittiham edib.

Valensiya bölgəsində güclü yağışların çayların daşmasına, əhalinin sıx məskunlaşdığı şəhərətrafı ərazilərdə palçıqlı su axınına qərq olmasına, insanlaın avtomobillərdə və yeraltı avtomobil dayanacaqlarında boğuması və evlərin uçması nəticəsində 23 nəfər itkin düşməsinə səbəb olub.

Bölgənin Təhsil Nazirliyi bildirib ki, 14 bələdiyyədə ümumilikdə 47 məktəb bazar ertəsi günü 22 mindən çox uşaq üçün açılıb. Keçən həftə ən çox təsirlənən bölgələrdəki şagirdlərin təxminən 70% -nin bu həftə geri dönəcəyi gözlənilir.

"Bu gün qapılarını açan məktəblər şagirdlər, müəllimlər və işçilər üçün maksimum təhlükəsizliyi təmin etmək üçün təmizlik və dezinfeksiya protokollarına əməl ediblər" - deyə, sözçü Mark Kandela bildirib.

Lakin müəllimlərin regional həmkarlar ittifaqı STEPV alternativ rəqəm təqdim etmədən bazar ertəsi qayıdanların sayının daha az olduğuna inandığını qeyd edib. Mark Kandela bir çox məktəbin dərsləri davam etdirməyə hazır olmadığını deyərək əlavə edib ki, müəllimlər və valideynlər məktəbləri süpürgə kimi öz materialları ilə təmizləyirlər.