Şimali Koreya lideri Kim Çen In bəyan edib ki, əgər ABŞ və onun müttəfiqləri Rusiyaya hərbi müdaxilə etməyə cəhd etsələr, KXDR Silahlı Qüvvələri Rusiyanın müdafiəsinə göndəriləcək.

Bu barədə məlumatı Koreya Mərkəzi Xəbər Agentliyi (KCNA) yayıb.

Kim bu bəyanatı Pxenyandakı Rusiya səfirliyinə etdiyi səfər zamanı səsləndirib. O, Ukrayna Silahlı Qüvvələrinin Rusiya Federasiyasının Kursk vilayətinə hücumunu "nüvə dövlətinin ərazi bütövlüyünə qarşı ukraynalı marionetkaların təxribatı" kimi qiymətləndirib.

“Əgər Amerika və Qərb əlaltıları, qüsurlu silahları olan ucuz konkilər qardaş Rusiya Federasiyasına hərbi müdaxilə ideyasından əl çəkməsələr, mən məmnuniyyətlə və heç bir şübhəsiz KXDR Silahlı Qüvvələrindən istifadə əmrini verəcəyəm,” – deyə Kim Çen In vurğulayıb.

O, əlavə edib ki, Qərb getdikcə daha ehtiyatsız addımlar atmağa cəsarət edir və bu, beynəlxalq sabitliyə ciddi təhlükə yaradır.