Budapeştdə gizli sığınacaq açıldı: Müharibə illərinin izləri muzeydə canlandı
Bu gün, 16:38
Budapeştdə İkinci Dünya müharibəsi dövrünə aid bomba sığınacağında muzey açılıb.
Oxu.Az "Euronews"a istinadən xəbər verir ki, 300 kvadratmetr ərazini əhatə edən sığınacaqda həm mexaniki, həm də elektriklə işləyən hava hücumundan xəbərdarlıq sirenləri quraşdırılıb.
Burada körpələr üçün nəzərdə tutulmuş qaz maskası da daxil olmaqla, nadir eksponatlar nümayiş etdirilir.
Qeyd olunur ki, Macarıstanda bomba sığınacaqlarının inşasına İkinci Dünya müharibəsindən əvvəl başlanılıb və hərbi əməliyyatlar dövründə də davam etdirilib.
