"Apple" şirkəti "iPhone 18" modelini 2026-cı ildə bazara çıxarmayacaq.

Yeni modelin debütü 2027-ci ilin əvvəlində gözlənilir.

Koreya mediası bildirir ki, "iPhone 18" ilk qatlana bilən "iPhone" ilə birlikdə satışa çıxarılacaq.

Ekspertlər hesab edirlər ki, bu strategiya şirkətin satışlarını artırmağa yönəlib. "iPhone 18" modelinin olmaması şəraitində istifadəçilərin "iPhone 18 Air" və "iPhone 18 Pro" versiyalarına üstünlük verməsi gözlənilir. Bununla belə, "iPhone 17e" modelinin buraxılış tarixində dəyişiklik nəzərdə tutulmur.

Analitik Min-Çi Kuo daha əvvəl açıqlamışdı ki, "Apple" 2026-cı ilin sentyabrında "iPhone 18" modelini elan etməyəcək. Onun sözlərinə görə, həmin dövrdə "iPhone 18 Air", "iPhone 18 Pro", "iPhone 18 Pro Max" və ilk qatlana bilən "iPhone" təqdim olunacaq.