12 ölkə vətəndaşlarının ABŞ-a girişini qadağan edən qərar qüvvəyə minib

ABŞ prezidenti Donald Trampın 12 ölkə vətəndaşlarının ABŞ-a girişini qadağan edən qərarı qüvvəyə minib.
APA xəbər verir ki, Trampın əsasən Afrika və Yaxın Şərqdən olan 12 ölkə vətəndaşlarına bu ölkəyə səfər qadağası ilə bağlı qərarı bu gündən tətbiq olunmağa başlayıb.

Qeyd edək ki, Tramp bununla bağlı fərmanı iyunun 5-də imzalayıb.

Qərar ABŞ-da qeydiyyatı olan, etibarlı vizası olan və ABŞ-ın milli maraqlarına xidmət edən bu ölkələrin vətəndaşlarına şamil olunmayacaq.

Tramp zərurət yaranacağı təqdirdə səyahət məhdudiyyətinə məruz qalan ölkələrin sayına yenidən baxıla biləcəyini və yeni təhlükələr yarandıqca müxtəlif ölkələrin də siyahıya əlavə oluna biləcəyini bildirib.