Afrikanın neft və təbii qazla zəngin ölkəsi Nigeriyada qeyri-qanuni xam neftin emal edildiyi 27 obyekt bağlanıb.
İqtisadiyyat.az xəbər verir ki, bu barədə Nigeriya Ordusunun İctimaiyyətlə Əlaqələr Direktoru vəzifəsini icra edən Danjuma Jonah bildirib.

O qeyd edib ki, əməliyyatlar zamanı 27 qeyri-qanuni neft emalı müəssisəsi bağlanıb, təxminən 161 min litr neft məhsulu ələ keçirilib, 43 neft qaçaqmalçısı saxlanılıb.

Qeyd edək ki, Nigeriyanın təsbit edilən 37 milyard barel neft ehtiyatı dünya ehtiyatlarının 3,1 faizini təşkil edir.

Xam neft istehsalında dünyanın ilk 15 ölkəsi arasında yer alan Nigeriya dünyanın ən böyük neft ehtiyatlarına malik 8-ci, neft ixracında isə 6-cı ölkədir.