Tokioda daşınmaz əmlak şirkətinin müdiri oğlunun fotoşəkillərinin olduğu reklamları tanıtmaq üçün 100 milyon yen (700 min ABŞ dolları) xərclədikdən sonra məşhurlaşıb.

Bu barədə Oxu.Az "Scmp"a istinadla xəbər verir.

Ata oğlu Yu-kunun fotolarını piyada keçidlərində, ticarət mərkəzlərində və avtobuslarda yerləşdirib. Yu-kun model deyil, amma atası oğlunun çox cazibədar olduğunu düşündüyünə görə hesab edir ki, bütün şəhər onu görməlidir:

"Oğlum kiçik olanda çox yaraşıqlı idi. Düşünürdüm ki, bütün Tokio onu tanımalıdır".