Qarabağ ermənilərini Azərbaycandan ayrılmaq üçün qızışdıran Levon Ter-Petrosyan Lefortovoda yatıb-çıxdıqdan sonra prezident oldu və üstəlik, V.Kryuçkovun qiymətli hədiyyəsinə də layiq görüldü...

Dağlıq Qarabağda münaqişənin alovlandırılmasında böyük rol oynamış Ermənistanın ilk prezidenti (1991-1998) bu vəzifəyə gələndən az öncə həbs edilərək 8 silahdaşıyla birgə 6 ay DTK-nın Moskvadakı Lefortovo zindanında
yatıb.
Maraqlıdır ki, həbsdən azad olunduqdan az sonra o, özü Ermənistanın prezidenti “seçilib”, silahdaşları isə müxtəlif vəzifələrə təyin olunub. Üstəlik, sovet DTK-nın o vaxtkı sədri Vladimir Kryuçkov özü şəxsən Ter-Petrosyana “Mersedes” markalı qara zirehli avtomobil bağışlayıb.
Moderator.az xəbər verir ki, hazırda erməni mediası bu barədə fəxrlə yazır. Ter-Petrosyan istefaya getdikdən sonra isə həmin avtomobili prezident sarayına təhvil verib. 2016-cı il dekabrın sonundan keçmiş prezident avtomobili hərraca qoyulub. Hazırda bir sıra ermənilər bundan qəzəblidirlər ki, niyə o boyda etibarlı "böyük qardaş"ın ilk prezidentə bağışladığı avtomobil digər ikinci dərəcəli məmurların köhnə maşınları ilə yan-yana qoyulub...