Avropa və Asiyadakı kiber hücumları Rusiyaya da gəlib çatıb.

Axar.az xəbər verir ki, komputerlərin sistemlərini məhv edən zərərverici proqram Rusiya və Tayvanın ərazisindəki serverlərə ziyan vurub.

Qeyd edək ki, bu zərərverici proqramdan Böyük Britaniya, İspaniya, İtaliya, Almaniya, Portuqaliya, Türkiyə, Ukrayna, Qazaxıstan, İndoneziya, Vyetnam, Yaponiya və Filippin kimi ölkələr ziyan çəkib.

Bildirilir ki, proqram kompüterin ekranını bloklayır və işin bərpası üçün bitkoynax-da ödəniş tələb edir.

KİV-in məlumatına görə, Rusiya İstintaq Komitəsinin daxili şəbəkələrinə və Rusiyanın Daxili İşlər Nazirliyinə qoşulmuş kompüterlər haker hücumuna məruz qalıb. Ancaq bu məlumat təsdiqini tapmayıb.