Rusiyadan kapital axını bu ilin yanvar-aprel ayları ərzində keçən ilin analoji dövrü ilə müqayisədə 2,1 dəfə artıb.

Axar.az xəbər verir ki, bu barədə informasiyanı Rusiya Mərkəzi Bankı yayıb. Mərkəzi Bank ilk 4 ay ərzində kapital axınının 21 milyard dollara (keçən ilin analoji dövründə bu 9,8 milyard dollar idi – red.) çatdığını bildirib.

Qeyd edək ki, Rusiyadan irimiqyaslı kapital axını 2014-cü ildən start götürüb. 2014-cü ildə ölkədən 153 milyard dollar, 2015-ci ildə 57,5 milyard dollar, 2016-cı ildə isə 15,4 milyard dollar kapital çıxarılıb.

Rusiya İqtisadi İnkişaf naziri Maksim Oreşkin bu ilin aprelində ölkədən kapital axınının 8-10 milyard dollar olacağını proqnozlaşdırmışdı. Nazirlik 2019-cu ildə bu rəqəmin 6 milyard dollara düşəcəyini bildirmişdi.