Yaponiya gömrük orqanları Kansay aeroportunda ölkəyə qaçaqmalçılıq yolu ilə gətirilən 100 kiloqramdan çox qızıl külçə saxlayıblar.

AZƏRTAC xəbər verir ki, bu barədə Kyodo agentliyi məlumat yayıb.

Malayziya vətəndaşları tərəfindən gətirilən qızılın ümumi dəyəri 500 milyon yenə (təqribən 4,5 milyon dollar) bərabərdir.

Qeyd edək ki, son vaxtlar Yaponiyaya qaçaqmalçılıq yolu ilə qızılın gətirilməsi hallarına tez-tez təsadüf olunur. Belə yükü, adətən Honkonq və Cənubi Koreyadan gətirməyə çalışırlar. Qızıl qaçaqmalçılığına səbəb kimi Yaponiyada əlvan metalın baha olması göstərilir.