ABŞ prezidenti Donald Tramp Birləşmiş Ştatların Ədliyyə Nazirliyindən Federal Təhqiqatlar Bürosunun (FTB) onun seçki kampaniyasına müdaxilə edib-etməməsini aydınlaşdırmağı tələb edib.

"Report" xəbər verir ki, bu barədə Amerika lideri "Twitter"də bildirib.

Tramp həmçinin bildirib ki, o, yaxın vaxtlarda rəsmi bəyanatla çıxış edəcək.

"Tələb edirəm və bunu sabah rəsmən edəcəm ki, Ədliyyə Nazirliyi FTB/Ədliyyə Nazirliyi tərəfindən Trampın seçkiqabağı kampaniyasına siyasi məqsədlərlə müdaxilə və ya müşahidənin, habelə Obama administrasiyasının (ABŞ-ın keçmiş prezidenti Barak Obama nəzərdə tutulur-red) nümayəndələri tərəfindən bu cür tələblərin olub-olmaması məsələsinə baxsın", - deyə o, "Twitter"də yazıb.