Fransa prezidenti Emmanuel Makron bu gün Rusiyaya səfər edəcək.

"Report" xəbər verir ki, bu barədə RİA "Novosti" məlumat yayıb.

Məlumata görə, Fransa dövlət başçısını səfərdə bir sıra rəsmi şəxslər müşayiət edəcək. Makron rusiyalı həmkarı ilə Moskva və Paris arasındakı münasibətləri, Suriya münaqişəsini və Ukrayna məsələsini müzakirə edəcək.

Fransa prezidentinin rəsmi səfəri iki gün davam edəcək. O, həmçinin Peterburqda keçiriləcək Beynəlxalq İqtisadi Forumda da iştirak edəcək.