Rusiya Hesablama Palatasının yeni təyin olunmuş sədri, məşhur maliyyəçi Aleksey Kudrin bu gün işinə başlamış Sankt-Peterburq Beynəlxalq İqtisadi Forumunda çıxış edərək bildirib ki, yaxın 3 ildə neftin bir barrelinin 50 dollara qədər ucuzlaşması riskləri mövcuddur

"Russia Today” agentliyi xəbər verir ki, Kudrin bununla bağlı deyib: "Aydındır ki, neft hazırda bahadır və qiymət artımı başlayıb, ehtiyatlarımızı xərcləməyəcəyik, lakin bir ildən, iki-üç ildən sonra qiymət yenidən 50 dollara düşə bilər. Bu, ən böyük birinci riskdir”.

Xatırladaq ki, hazırda neftin 1 barrelinin qiyməti 80 dolar civarındadır.

Mayın 11-də "Bank of America” bəyanat verib ki, 2019-cu ilə qədər neftin qiyməti 100 dollara qədər bahalaşa bilər.

Eyni zamanda, ABŞ Energetika Nazirliyinin Energetika informasiya idarəsinin hesabatına əsasən, 2018 və 2019-cu illərdə "Brent” markalı neftin 1 barrelinin orta qiyməti müvafiq olaraq 71 və 66 dollar təşkil edəcək.(virtualaz.org)