Yəmənin "Ənsarullah" hərəkatının əsgərləri bu həftə də Səudiyyə ordusuna qarşı hərbi əməliyyatlarını davam etdiriblər. Husilər Yəmən sərhədi yaxınlığında Səudiyyə Ərəbistanı mövqelərini hədəfə alıblar. Onlar Yəmən sərhədində yerləşən Cizan və Asir əyalətlərində Səudiyyə Ərəbistanının əsgərlərinə qarşı hücuma keçiblər. Hücum zamanı Səudiyyə əsgərləri çox sayda itki veriblər. Husilərin rəsmi media qanadının yaydığı məlumata görə, snayperlər Səudiyyə Ərəbistanının cənubundakı genişmiqyaslı hücum zamanı krallıq rejiminin bir neçə əsgərini zərərsizləşdiriblər. Hücumların əksəriyyətinin Asir və Cizan əyalətlərinin dağlıq rayonlarında baş verdiyi bildirilib.

Eastnews.org