Baş nazirdən yeni qərar: yol vergisi belə hesablanacaq
6-09-2023, 09:24
Azərbaycanda xarici qeydiyyatı olan nəqliyyat vasitələri üçün yol vergisinin hesablanmasında dəyişiklik edilib.
Tribunainfo.az xəbər verir ki, bununla bağlı Baş nazir Əli Əsədov “Dövlət büdcəsinin gəlirlərinin, o cümlədən dövlət büdcəsinin qeyri-neft gəlirlərinin və dövlət büdcəsinin neft gəlirlərinin proqnozlaşdırılması Qaydası”na dəyişiklik edilməsi ilə bağlı qərar imzalayıb.
Qərara əsasən, yol vergisinin hesablamasında bunlar istifadə ediləcək: – avtonəqliyyat vasitələrinin növü, mühərrikin həcmi və Azərbaycanın ərazisində qaldığı müddət; – oturacaq yerlərinin sayı və Azərbaycan Respublikasının ərazisində qaldığı müddət; – avtonəqliyyat vasitələrinin oxlarının sayı və Azərbaycan ərazisində qaldığı müddət; – avtonəqliyyat vasitələrinin yüklə birlikdə ümumi çəkisi; – Azərbaycan Respublikasının ərazisində qət edilən məsafə.