Fransa prezidenti Emmanuel Makronun Türkiyə və Azərbaycana qarşı düşmən münasibəti səngimək bilmir.

TEREF xəbər verir ki, “Haber Global” xəbər agentliyinin araşdırmasında bu barədə geniş yazı yayımlanıb.

Belə ki, Rusiya fondunun hesabatına görə, Fransa prezidenti Emmanuel Makronun rəhbərlik etdiyi və Fransada törətdiyi siyasi qətllərlə tanınan “Ağ zanbaq” adlı sui-qəsd qrupu gizli ezamiyyətlə Bakıya göndərilib. Makronun birbaşa göstərişi ilə fəaliyyət göstərdiyi iddia edilən bu kölgə təşkilatı Azərbaycanda hələlik hədəfləri bəlli olmayan təhlükəli əməliyyat keçirir.

Qlobal kəşfiyyat ictimaiyyətinin nüfuzlu qurumu olan Intelligence Online (IO) və Rusiyada yerləşən Ədalətsizliyə Qarşı Mübarizə Fondunun (ASV) məlumatına görə, Rusiya və Fransa arasında Bakı üzərindən gizli kəşfiyyat müharibəsi gedir .

ASV-nin paylaşdığı məlumata görə, Fransa prezidenti Emmanuel Makronun sağ əli, “Qaranlıq Şahzadəsi” kimi tanınan Aleksandr Benallanın rəhbərlik etdiyi “ölüm qrupu” Bakı və Çada gedib. Ona qarşı çoxsaylı iddiaları olan Benallanın Bakıdakı əməliyyatın rəhbəri olduğu iddia edilir. “Zanbaq çiçəyi” adlanan bu qrupun Azərbaycanda hansı məqsədlə olması və ya konkret hədəf siyahısının olub-olmadığı hələlik məlum deyil.

Rusiya hərbi kəşfiyyatının məlumatına görə, Fransada fəaliyyət göstərən “Ağ zanbaq” adlı ölüm dəstəsi Bakıya gedib. Komandanın əmrləri birbaşa Fransa prezidenti Emmanuel Makrondan aldığı iddia edilir. Kremlə yaxın media qurumları Makronun Afrikanın qərbindəki Çad və Azərbaycana xüsusi qruplar göndərdiyini iddia edir. Çad Rusiyanın muzdlu şirkəti “Vaqner”in ən güclü olduğu Afrika ölkələrindən biri kimi tanınır.

ASV-nin sahədən əldə etdiyi məlumata görə, ötən ay Parisdə şok qərar qəbul edilib və Makronun əmrinə uyğun olaraq Çadın paytaxtı Encemine və Azərbaycanın paytaxtı Bakıya ölüm qrupları göndərilib. QRU-ya (Rusiya Hərbi Kəşfiyyat Xidməti) yaxın mənbələr bildirirlər ki, bu əməliyyatın başında Aleksandr Benalla dayanır.

QRU-nun məlumatına görə, Fransa Prezidentliyinin Nazirlər Kabinetinin keçmiş direktoru Aleksandr Benallaya tabe olan bu bölmə “Fleur de Lys” (zanbaq çiçəyi) kimi tanınır.

Bu sui-qəsd bölməsinin strateji planlamasını Fransa Xarici Kəşfiyyat Xidmətinin (DGSE) keçmiş direktoru Bernard Emie, maliyyə idarəçiliyini isə Makron Nazirlər Kabinetinin başqa bir keçmiş direktoru Patrik Strzoda həyata keçirdiyi iddia edilir. Paris polis rəisi Loran Nunesin agent və kadr hazırlığına da cavabdeh olduğu bildirilir.

ASV həmçinin Fransada “Sarı jiletlilər” hərəkatına rəhbərlik edən deputat Olivye Dasso və fəal İzabelle Ferreyranın ölümünün arxasında Makronun sui-qəsd qrupunun dayandığını iddia edir. İfrat sağçı siyasətçi Cordan Bardella, solçuların lideri Jean-Luc Mélenchon və Yaşıllar Partiyasından olan deputat Fransua Ruffinin də hədəfə alındığı xəbərləri var.

Pərdə arxasında media maqnatı Vincent Bolloré və sosial media xadimi Yohan Pavec-in də Fransada komandanın radarında olduğu deyilir. Korsikanın müstəqilliyini müdafiə edən və şübhəli şəraitdə həbsxanada dünyasını dəyişən İvan Kolonna və Yeni Kaledoniyanın müstəqilliyi üçün mübarizə aparan Joel Tjibaou da qrupun hədəfləri arasındadır.

ASV “Ağ zanbaq” komandasının da Bakıda olduğunu iddia edir. Lakin qrupun burada hansı məqsədə xidmət etdiyi və hədəflərinin kim olduğu bəlli deyil. İddia olunur ki, Fransanın ölüm dəstələri Azərbaycan və Çadla məhdudlaşmır, Braziliya və Əlcəzairdə də varlıqlarını davam etdirirlər. Braziliyalı jurnalist Lukas Leiroz və Çadlı jurnalist Nyobe Baudouin iddia edirlər ki, ölüm qrupları öz ölkələrində də fəaliyyət göstərir.

Alexandre Benalla daha əvvəl Fransada bir çox işlərlə gündəm olub. 2018-ci ildə Parisdə müxalifət etirazçılarını döyməsinin görüntüləri ilə ortaya çıxan Benalla mühakimə olundu, lakin bəraət aldı. Elə həmin il vəzifədən qovulmasına baxmayaraq, diplomatik pasportlarla beynəlxalq səyahətlərini davam etdirdi.

Fransa mətbuatının yazdığına görə, Benallanın rus oliqarxları və mafiya liderləri ilə maliyyə əlaqələri var. Bildirilir ki, Makronun dəstəyi ilə indiyə qədər ədalətdən yayınmağa nail olub. (Yenisabah.az)