Krasnodarda xüsusi təyinatlı döyüşçülər təhlükəli dəstə üzvlərini həbs ediblər. Konkret.az erməni mediasına istinadla xəbər verir ki, xüsusi təyinatlılar Karen Xaçaturyan və Armen Davityanı, eləcə də adı məlum olmayan digər cinayətkarı 30 saniyəlik əməliyyat tədbirləri nəticəsində tərksilah ediblər. Bunun üçün əvvəlcə xüsusi təyinatlılar pulemyotdan atəş açaraq kiçik “şou” göstəriblər. Onlar bunu cinayətkar qrupun silahdan istifadə edə bilmə ehtimalına qarşı etdiklərini gizlətməyiblər. Qeyd edək ki, ermənilərin cinayətkar qruplaşmalarının partlayıcı maddə və silah-sursat ticarəti ilə məşğul olduqları iddia edilir.