Nyu Meksikoda yerləşən “White Sands” raket silsiləsində “Patriot” raketdən müdafiə sisteminin sınaqları keçirilib.

Ordu.az xarici KİV-lərə istinadən xəbər verir ki, ən yeni “Patriot” sistemi (PAC-3) sınaqlar zamanı iki taktiki ballistik raket hədəflərini uğurla ələ keçirib.

Qeyd olunur ki, yüksək partlayıcı xüsusiyyətə malik döyüş başlığı olan PAC-3 sistemi düşmən təyyarələrini və ya qanadlı raketləri daha dəqiq təyin etmə və ələ keçirmə qabiliyyətinə malikdir.

Məlumata görə, indiyə kimi 14 ölkə - ABŞ, Almaniya, Küveyt, Yaponiya, Qətər, Cənubi Koreya, Səudiyyə Ərəbistanı, Tayvan, Hollandiya, BƏƏ, Rumıniya, Polşa, İsveç və Bəhreyn- PAC-3 sistemini əldə edib.