“İdlibdə yerləşən cəmləşmə rayonunun cənub hissəsində təxribatçı qrup Suriyanın hökumət qüvvələrinin Ruayha kəndi ərazisindəki mövqelərinə hücum edib.

APA TASS-a istinadən xəbər verir ki, bu barədə jurnalistlərə Suriyada Döyüşən tərəflərin barışıq mərkəzinin rəhbəri kontr-admiral Aleksandr Karpov bildirib.

A.Karpov əlavə edib ki, hücumun dəf edilməsi zamanı azı iki terrorçu öldürülüb: “Eyni zamanda Suriya ordusunun 2 əsgər ölüb, 1 nəfər yaralanıb. Hücum edən tərəf Zigata yaşayış məntəqəsi istiqamətində geri çəkilib”.