Amerikalı Medi MakQivern dostlarıyla istirahətdən sonra gecə saat 2-də ayılaraq bank hesabında nə qədər pulunun qaldığını öyrənmək istəyib.

Hafta.az xəbər verir ki, qadın hesabında 76 dollar olduğunu xatırlayıb. Lakin telefonla banka göndərilən sorğuya gələn cavab qadını şoka salıb. Onun banka 10 milyardlarla dollar borcu olduğu bildirilib. "Mən Los-Ancelesi aldığımı söyləmək istərdim, lakin bu mən deyiləm" - deyə qadın olayla bağlı danışarkən deyib. Banka zəng edəndə isə, operator yayındırıcı cavab verib. Səhər banka gedəndə isə bank işçiləri ona yazılmış 50 milyard dollarlıq borcun müştərilərə hesablarının "qaydasında olmamasını xəbər etməyin yeni üsulu" adlandırıblar. Daha sonra isə bu borcu siliblər.