Bu gün axşam saatlarında Bakı şəhəri, Nəsimi rayonu, Dilarə Əliyeva 212 ünvanında yerləşən "Prins” sağlamlıq klubunda dava düşüb.

teref.az xəbər verir ki, BAKU.WS-in hadisə yerində olan əməkdaşının verdiyi məlumata görə, Fərqanə adlı qızla klub rəhbərliyi arasında başlanan mübahisə davaya çevrilib. "Prins” rəhbərliyinin Fərqanəni klubdan qovması gənc qızı özündən çıxarıb. Qız, obyekt sahibini klubu bağlatmaqla hədələyərək 102 xidmətinə zəng edib. Səs küyə əraziyə gələn polis qızı bölməyə aparmaq istəsə də, buna asanlıqla nail ola bilməyib.