Ukraynada naməlum şəxs tərəfindən güllələnən Ali Radanın keçmiş deputatı İrina Farion Lvovda xəstəxanada dünyasını dəyişib.

Ukrayna mətbuatı xəbər verir ki, bu barədə Lvov vilayət hərbi administrasiyasının rəhbəri Maksim Kozitski "Telegram" kanalında bildirib.

"Həkimlərin bütün səylərinə baxmayaraq, İrina Farionu xilas etmək mümkün olmadı" , - o qeyd edib.

Hüquq-mühafizə orqanları hücum edənin şəxsiyyətinin müəyyən edilərək tutulması istiqamətində tədbirlər görür, faktla bağlı cinayət işi açılıb.