Çelyabinskdə yük maşını kabeli tutaraq işçini asfalt boyunca sürükləyib.

Bu barədə Fövqəladə Hallar Agentliyinin Telegram kanalı məlumat yayıb.

Telegram kanalının məlumatına görə, hadisə fəhlələrin məftil çəkməklə məşğul olduğu Truda və Engels küçələrinin kəsişməsində baş verib. Yaxınlıqdan keçən ağır yük maşını kabelə yapışaraq kişilərdən birini bir neçə metr yerlə sürüyüb.

Hadisə nəticəsində yaralanan işçinin təcili yardım maşını ilə hadisə yerindən aparıldığı bildirilir. Onun vəziyyəti ilə bağlı məlumat verilməyib.

Hadisənin videosunu 74.RU nəşri yayıb . Görüntülərdə işçinin asfaltın üzərinə yıxıldığı görünür.