Moskvada Rusiya ordusunun polkovniki Aleksey Kolomeytsev qətlə yetirilib.

Bu barədə Ukrayna mətbuatı Ukrayna Baş Kəşfiyyat İdarəsinə istinadla məlumat yayıb.

Məlumatda deyilir ki, Moskva vilayətində öldürülən Kolomeytsev Rusiya Silahlı Qüvvələrində 927-ci PUA mərkəzinə rəhbərlik edib və PUA operatorlarının hazırlanmasında birbaşa rol oynayıb. Ukrayna tərəfi onu hərbi cani kimi təqdim edir.

Xəbərə görə, Kolomeytsevin məhv edilməsi Ukrayna Müdafiə Nazirliyinin Baş Kəşfiyyat İdarəsi tərəfindən “yerli müqavimət hərəkatı” ilə birgə həyata keçirilib.