Rusiyanın Volqoqrad vilayətinin Kalaçev rayonunda baş verən ağır yol qəzasında iki nəfər həyatını itirib, səkkiz nəfər isə yaralanıb. Bu barədə Rusiya Daxili İşlər Nazirliyinin region üzrə idarəsi öz Telegram kanalında məlumat yayıb.

Rəsmi məlumata əsasən, “Lada Priora” markalı avtomobilin sürücüsü, Çervlenoye-Kalaç-na-Donu yoluna çıxarkən nəqliyyat vasitəsini “VAZ-2106” ilə toqquşdurub.

Qəza nəticəsində, “Lada Priora” avtomobilindəki azyaşlı sərnişin və “VAZ-2106” avtomobilinin sərnişini təcili tibbi yardım gələnədək dünyasını dəyişib. “Lada Priora”nın sürücüsü və “VAZ-2106” avtomobilində olan yeddi sərnişin isə xəstəxanaya çatdırılıb.

Hadisə ilə bağlı araşdırma aparılır.