Las Veqas- Honolulu səfərində “Hawaii” Hava yolları təyyarəsi adyal pulu mübahisəsinə görə Los- Ancelesdə yerə endirilib.
Polisə görə adı açıqlanmayan 66 yaşındakı bir sərnişin üşüdüğünü söyləyərək stüardessadan adyal istəyib. Adyal üçün 12 dollar ödəmək lazım olduğunu eşidən sərnişin “buna görə bəzilərini pis şəkildə döymək istəyirəm” deyib. Bu sözləri təhdid olaraq qiymətləndirən pilot təyyarəni Los- Ancelesdə yerə endirib.
Könüllü olaraq enən və başqa bir təyyarə ilə səfərinə davam edən sərnişin şirkət səlahiyyətlilərinə şikayət edərək “təyyarənin içi soyuq olduğu üçün pul ödəməməliyəm” deyib. Polis onun davranışında cinayət ünsürü olmadığı üçün sərnişinin istintaqa cəlb edilməditini açıqlayıb.
Los-Anceles Hava limanının sözçüsü Rob Pedregon “təyyarədə olsaydım, onun adına 12 dolları ödəyərdim” deyib.

azadliq.info