Dağıstanda partlayıcı sənaye maddəsinin Rusiyadan Azərbaycana daşınması zamanı qanun pozuntusu aşkarlanıb.

Virtualaz.org bildirir ki, bu barədə Şimali Qafqaz Gömrük İdarəsi məlumat yayıb.

Bildirilir ki, Dərbənd Dəmir yolu stansiyasında gömrükçülər partlayıcı sənaye maddəsi olan ammonit tozunun vaqonla daşınmasına cəhd edilərkən qanun pozuntusu aşkarlayıblar.

Belə ki, daşıyıcı bəyannamədə malın çəkisinin 8 ton olduğunu göstərib. Amma yoxlama vaxtı aydın olub ki, yükün faktiki çəkisi 8 ton 167,2 kiloqramdır. Yəni partlayıcı maddənin bir hissəsini gömrük rəsmiləşdirməsi olmadan keçirməyə cəhd ediblər.

"Qanunsuz qarışdırılan mal götürülüb və ekspertizaya göndərilib. Faktla bağlı inzibzti qanun pozuntusu üzrə iş qaldırılıb", - deyə Dağıstan gömrüyündən bildiriblər.

Virtualaz.org