Efiopiyanın paytaxtı Əddis-Əbəbədə ölkənin yeni baş naziri Əbiyə Əhmədi dəstəkləyən mitinq zamanı naməlum şəxs qumbara atıb, partlayış nəticəsində ən azı 4 nəfər həlak olub və bir neçə nəfər yaralanıb. Bu barədə TASS xəbər verib.

Bildirilir ki, partlayış zamanı səhnədə olan Ə.Əhməd xəsarət almayıb.

Mitinqin təşkilatçısı Seyum Teşome deyib ki, sui-qəsd baş nazirə qarşı hazırlanıb: "Həmin şəxs səhnədə oturan baş naziri hədəf kimi seçmişdi, lakin kütlə ona imkan vermədi".

Onun sözlərinə görə, sui-qəsddə iştirakda şübhəli bilinən 3 nəfər - iki kişi və bir qadın həbs edilib.