İngiltərə Premyer Liqasında XXVIII turun oyunlarına start verilib.

ONA-nın məlumatına görə, turun ilk günündə 4 qarşılaşma baş tutub.

“Everton” səfərdə “Kardiff”i böyük hesabla məğlub edib – 3:0. Çempionatın autsayderi “Haddersfild” öz meydanında “Vulverhempton” üzərində qələbə qazanıb – 1:0. Bu, autsayderin mövsümdə 3-cü qələbəsi olub.
“Lester” ev oyununda “Brayton”dan güclü olub – 2:1. Turnir cədvəlində qonşu olan komandaların duelində “Nyukasl” “Bernli”yə 2 cavabsız qolla qalib gəlib.

Qeyd edək ki, tura bu gün keçiriləcək 6 matçla yekun vurulacaq.

İngiltərə Premyer Liqası
XXVIII tur
26 fevral

“Kardiff” – “Everton” – 0:3
Siqurdsson, 31, 66, Kalvert-Lyuin, 90+3

“Haddersfild” – “Vulverhempton” – 1:0
Munye, 90+1

“Lester” – “Brayton” – 2:1
Qrey, 10, Vardi, 63 – Propper, 66

“Nyukasl” – “Bernli” – 2:0
Lanqştaff, 22, 38