İtaliyanın "İnter" klubu A Seriyasının 28-ci turunda "Milan"a qarşı keçirilən oyun zamanı (3:2) azarkeşlərinin davarınışına görə cəzalandırılıb.

"Report" xəbər verir ki, "neradzurri"nin fanatları derbi zamanı 7 və 39-cu dəqiqələrdə olmaqla iki dəfə "rossonyeri"lərin Fil dişi Sahilindən olan yarımmüdafiəçisi Frank Kessyenin ünvanına irqçi şüarlar səsləndiriblər.
"Football Italia"nın məlumatına görə, "İnter" şərti olaraq bir tamaşaçısız oyunla cəzalandırılıb. Fanatlar bu cür hərəkətləri davam etdirəcəkləri təqdirdə, cəza icra olunacaq.