Madridin “Real” klubu PSJ-yə hücumçu Kilian Mbappenin keçidinə görə 280 milyon avro təklif etməyə hazırlaşır.

Bu barədə France Football məlumat yayıb.

Nəşrin məlumatına görə, yaxınlarda “kral” klubu futbolçunun keçidi ilə bağlı danışıqlara başlamağa hazırlaşır. Qeyd edilir ki, müqavilənin imzalanmasında şəxsən klubun prezidenti Florentino Peres və baş məşqçi Zinəddin Zidan maraqlıdır.

Əgər Mbappe “Real”a keçidinə razılıq versə, bu, futbol tarixinin ən bahalı transferi olacaq. Hazırda rekord PSJ-nin hücumçusu Neymara məxsusdur. O, 2017-ci ilin yayında Fransa klubuna “Barselona”dan 222 milyon avroya keçib.

19 yaşlı Mbappe 2017-ci ilin avqustundan PSJ-də çıxış edir. Forvard 2018-ci ildə Fransa millisinin heyətində dünya çempionu olub. Turnirin nəticələrinə görə o ən yaxşı gənc futbolçu adına layiq görülüb. DÇ-də qazandığı 550 min avronu o xeyriyyəçiliyə verib.