“Neftçi” “Bney Yehuda”ya məğlub oldu –Bakı komandası Avropa Liqası ilə vidalaşdı
15-08-2019, 23:12
İsraildə Avropa Liqasının III təsnifat mərhələsinin cavab görüşündə bu gün Azərbaycanın “Neftçi” komandası “Bney Yehuda” ilə qarşılaşıb.
Strateq.az xəbər verir ki, oyunun 14-cü dəqiqəsində meydan sahiblərinin heyətində Dor Yan hesabı açıb – 1:0.
İkinci hissənin 66-cı dəqiqəsində “Bney Yehuda” “Neftçi”nin qapısına 2-ci qolu da vurub – 2:0
“Neftçi” bu qollardan yalnız birinin əvəzini çıxa bilib.
Belə ki, 90+3-cü dəqiqədə komandamız penaltidən fərqi azaldıb. E.Mahmudovun zərbəsi dəqiq olub – 2:1
Beləliklə, oyun İsrail komandasının 2-0 hesablı qələbəsi ilə başa çatıb.
Bununla da “Neftçi” Avropa Liqası ilə vidalaşıb.
Xatırladaq ki, bu komandaların Bakıdakı ilk oyununda hesab 2-2 olub.
