Çempionlar Liqasında V turun ilk oyun günü başa çatıb.

Apasport.az saytının məlumatına görə, A, B, C və D qruplarında tura yekun vurulub.

Daha tez baş tutan “Qalatasaray” – “Brügge” (1:1) və “Lokomotiv” – “Bayer” (0:2) matçlarının ardından turun daha 6 qarşılaşması keçirilib.

B qrupunun görüşləri daha məhsuldar alınıb. “Bavariya” Serbiyada “Srvena Zvezda”nı darmadağın edib. Robert Levandovski bu matçda poker müəllifi olub. Münhenlilər bununla da qrup 1-cisi adına yiyələnib. “Tottenhem” isə iki top geri düşdüyü görüşdə “Olimpiakos”a qalib gəlib. Joze Mourinyonun bu komanda ilə ilk avrokubok matçındakı qələbə London klubunu 2-ci yerlə 1/8 finala daşıyıb.

“Mançester Siti” C qrupunda həm növbəti mərhələyə vəsiqə qazanıb, həm də 1-ci yeri təmin edib. İngiltərə təmsilçisi buna “Şaxtyor”la heç-heçə edərək nail olub. “Atalanta” isə Zaqreb “Dinamo”suna qalib gəlib.

Növbəti mərhələyə vəsiqəni təmin edən PSJ və “Real” A qrupunda üz-üzə gəlib. Səfərdə məhsuldar heç-heçə edən fransalılar 1-ci yeri tutublar.

D qrupunun liderləri Turində görüşüb. “Yuventus” “Atletiko” üzərində qələbə ilə 1-ci yeri təmin edib.

Qeyd edək ki, V tura noyabrın 27-də yekun vurulacaq.

Çempionlar Liqası
Qrup mərhələsi
V tur
26 noyabr

A qrupu
21:55. “Qalatasaray” (Türkiyə) – “Brügge” (Belçika) - 1:1

Adem Büyük, 11 – Diatta, 90+2
00:00. “Real” (İspaniya) – PSJ (Fransa) – 2:2

Benzema, 17, 79 – Mbappe, 81, Sarabia, 83

B qrupu
00:00. “Srvena Zvezda” (Serbiya) – “Bavariya” (Almaniya) – 0:6

Qoretska, 14, Levandovski, 53 (pen.), 60, 64, 68, Tolisso, 90
00:00. “Tottenhem” (İngiltərə) – “Olimpiakos” (Yunanıstan) – 4:2

Alli, 45, Keyn, 50, 77, Orye, 73 – El-Arabi, 6, Semedo, 19

C qrupu
00:00. “Atalanta” (İtaliya) – “Dinamo” (Z, Xorvatiya) – 2:0

Muriel, 27 (pen.), Qomes, 47
00:00. “Mançester Siti” (İngiltərə) – “Şaxtyor” (Ukrayna) – 1:1

Gündoğan, 57 – Solomon, 70

D qrupu
21:55. “Lokomotiv” (Rusiya) - “Bayer” (Almaniya) - 0:2

Jemaletdinov, 11 (avtoqol), Bender, 54
00:00. “Yuventus” (İtaliya) – “Atletiko” (İspaniya) – 1:0

Dibala, 45